Сетка АЗС “А-100” і загарадны клуб “Фестывальны” запрашае адзначыць Масленіцу на фестывалі “Сонца”

А 11 гадзіне 21 лютага 2015 года сетка АЗС “А-100” запрашае ўсіх на свята гукання вясны на фестываль “Сонца”, які адбудзецца ў загарадным клубе “Фестывальны” (хутар Арлоўшчына, Валожынскі раён, Мінская вобл.).

Фестываль «Сонца» – добрая нагода ўспомніць традыцыі нашых продкаў, акунуцца ў атмасферу сапраўднага народнага свята і наблізіць надыход вясны.

У праграме фестывалю:

- выступленні фальклорных калектываў;

- канцэрт гурта «Палац» і Алега Хаменкі;

- майстар-класы ад майстроў-рамеснікаў;

- кірмаш традыцыйных беларускіх сувеніраў;

- «гуканне вясны» і спаленне пудзіла Марэны.

“Група кампаній “А-100 АЗС” з’яўляецца афіцыйным партнёрам фестывалю невыпадкова. 21 лютага мы адзначаем не толькі Масленіцу, але і Міжнародны дзень роднай мовы! Для нас гэта выдатная магчымасць папрактыкавацца ва ўжыванні беларускай мовы не толькі ў дзелавым жыцці, але і ў вольны час. У “А-100” сапраўды спадзяюцца, што такім чынам мы зможам паспрыяць пашырэнню беларускамоўнага асяроддзя ў нашай краіне”, – адзначае кіраўнік упраўлення маркетынгу “А-100 АЗС” Ніна Ніканорава.

Кошт запрашальнага білета на дзённую праграму – 100 тыс. бел. рублёў.

Дзеці да 12 гадоў у суправаджэнні дарослых – бясплатна.

Кошт запрашальнага білета на канцэрт Змітра Вайцюшкевіча і WZ-Orkiestra (і на дзённую праграму) – 180 тыс. бел. рублёў (колькасць месцаў абмежаваная).

У кошт білета ўключаны пачастунак і сюрпрыз для кожнага госця.

Як даехаць да загараднага клуба “Фестывальны” – глядзіце падрабязную схему праезду на афіцыйным сайце мерапрыемства.

ГК «А-100 АЗС» – самая буйная сетка аўтазаправачных станцый з беларускім капіталам. Асноўны напрамак дзейнасці – рэалізацыя нафтапрадуктаў, спадарожных аўтатавараў, а таксама аказанне шырокага спектру паслуг. Сёння ў склад сеткі ўваходзяць 34 АЗС, якія сканцэнтраваныя на тэрыторыі Мінска, Мінскай вобласці, Брэсцкага, Магілёўскага і Віцебскага рэгіёнаў.